ՄԱԿ-ում բացվում է գլոբալ զարգացման գագաթնաժողովը։ Եռօրյա աշխատանքի ընթացքում պետությունների ավելի քան 150 ղեկավարներ և 30-ից ավելի նախարարներ պետք է ընդունեն «կայուն զարգացման նպատակներ» փաստաթուղթը, որը կսահմանի առաջիկա 15 տարում գլոբալ աշխատանքի ուղղությունը։ Այս մասին հայտնում է RIA Novosti-ն։
Մինչև 2030 թվականը համաշխարհային օրակարգի համաձայնեցումը տևել է մոտ 3 տարի։ Օգոստոսի սկզբին դրան հավանություն էին տվել ՄԱԿ-ի անդամ երկրները, սեպտեմբերի 1-ին գլոբալ զարգացման ամփոփիչ օրակարգի նախագիծն ընդունել է ՄԱԿ-ի Գլխավոր ասամբլեան։ Փաստաթուղթը սահմանում է 17 հանձնարարություն, որոնք պետք է իրագործվեն հաջորդ 15 տարիներին։ Գլխավոր նպատակներն են աղքատության ու սովի վերացումը։
Աշխատանքի այլ ուղղություններ են դարձել առողջ ապրելակերպի ապահովումը, հասանելի և որակյալ կրթությունը, սեռերի հավասարությունը, աջակցությունը կայուն տնտեսական աճին, ապահովումն արժանի աշխատանքով, երկրներում անհավասարության մակարդակի նվազեցումը և այլն։
Ինչպես ավելի վաղ հայտարարել էր ՄԱԿ-ի գլխավոր քարտուղարը՝ համաձայնեցված գլոբալ փաստաթուղթն արժանի է հպարտության։
Նոր ծրագիրը փոխարինելու է գալիս «Հազարամյակի զարգացման նպատակներին»։ 2000 թվականին ՄԱԿ-ի կողմից ընդունված փաստաթուղթը մինչև 2015-ը սահմանել էր 8 հանձնարարություն։