![](https://www.1in.am/assets/uploads/2015/09/12337.jpg)
Թաիլանդի Պատտայա քաղաքում հայրը որդուն վերջնագիր է ներկայացրել՝ կամ թողնել տեսախաղեր խաղալը, կամ գնդակահարել հարազատ հորը: 21-ամյա որդին նախընտրել է ինքնասպան լինել հոր ծառայողական ատրճանակով: Հայրը ոստիկանության սպա է, հայտնում է Daily News-ը:
Անուպապ Բունրոդն աշխատանքից տուն է վերադարձել և որդուն տեսել է տեսախաղ խաղալիս: Հարցը՝ ինչու երիտասարդն իր ընտանիքին չի օգնել մթերային խանութում՝ որդին անտեսել է, ինչով զայրացրել է հորը:
Դրանից հետո հայրը ատրճանակը դրել է սեղանին, բարձրացրել շապիկն ու ընտրություն առաջարկել՝ թողնել խաղալը, կամ այդտեղ և այդ պահին սպանել հորը:
Հանկարծ Տոսսավատ Բունրոդը վերցրել է ատրճանակը և կրակել է իր աջ ականջի մասում: Գեյմերի մայրը, որը սենյակի մյուս մասում է եղել, վազել է որդու մոտ, վերցրել է ատճանակն ու դուրս նետել պատուհանից՝ վախենալով, որ ամուսինը ևս կատարվածի ֆոնին կորոշի ինքնասպան լինել:
Երիտասարդին հիվանդանոց են տարել, որտեղ որոշ ժամանակ անց նա մահացել է: