Մուսուլմանները սեպտեմբերի 24-ին՝ իսլամական զուլ-հիջա ամսվա 10-րդ օրը, կսկսեն մի քանի օր նշել իրենց գլխավոր տոներից մեկը՝ Ղուրբան Բայրամը (Զոհաբերության օրը): Այս մասին գրում է Korrespondent.net-ը:
Ղուրբան Բայրամը նշվում է հաջի (ուխտագնացություն) շրջանում և սահմանվել է ի հիշատակ Ղուրանում նկարագրված դեպքերի: Ըստ ավանդության՝ Իբրահիմ մարգարեին երազում ասում են, որ պետք է զոհաբերի իր որդուն՝ Իսմաիլին: Դանակը որդու վրա բարձրացնելիս նա ձայն է լսում. «Օ, Իբրահիմ, դու արդեն կատարեցիր քո երազը…»: Ալլահը նրան գառ է ուղարկում, որին էլ զոհաբերում է:
Ուստի տոնի կարևոր ծեսը զոհաբերվող կենդանուն մորթելն է, որն իրականացվում է տոնական աղոթքից հետո: Զոհաբերված կենդանու միսը պետք է ուտեն ոչ միայն հավատացյալները, այլև բաժանեն: