Հռոմի պապ Ֆրանցիսկոսը իր ելույթում նշել է կլիմայի փոփոխության խնդրի լուծումը գտնելու անհրաժեշտության մասին: Այս մասին հաղորդում է Fox News-ը:
Նախ, Սպիտակ տան առջև ելույթ է ուենցել ԱՄՆ նախագահ Բարաք Օբաման, ով ողջունել է Հռոմի կաթոլիկ եկեղեցու ղեկավարին և նշել, որ ԱՄՆ-ը քահանայապետի հետ կանգնած է «Ի պաշտպանություն կրոնական ազատության»:
Հռոմի պապը շնորհակալություն է հայտնել Օբամային` «բոլոր ամերիկացիների անունից ողջունելու համար»:
Նա խոսել է կլիմայի փոփոխության խնդրի լուծումը գտնելու անհրաժեշտության մասին: «Կլիմայի փոփոխությունը խնդիր է, որը չի կարելի թողնել ապագա սերունդներին»,- ասել է նա:
Հռոմի պապը ամերիկացիներին խնդրել է «աջակցել միջազգային հանրության ջանքերին` բնակչության խոցելի խմբերի պաշտպանության հարցում»:
