ՆԱՏՕ-ն «Ռուսաստանի հետ առճակատում չի ցանկանում»: TASS-ի հաղորդմամբ՝ այս մասին Կիևում մամլո ասուլիսի ժամանակ հայտարարել է դաշինքի գլխավոր քարտուղար Յենս Սթոլթենբերգը: «Մենք ձգտում ենք, որ մեր հարաբերությունները լինեն կառուցողական»,- նշել է նա:
«Մենք սառը պատերազմի վիճակում չենք (Ռուսաստանի հետ), բայց ռազմավարական գործընկերություն ևս չունենք: Ուստի ՆԱՏՕ-ն որոշել է դադարեցնել Ռուսաստանի հետ ռազմավարական համագործակցությունը՝ միաժամանակ բաց պահելով քաղաքական ալիքները, որպեսզի շարունակվի քաղաքական երկխոսությունը, և մենք կարողանանք հետագայում ևս իրագործել Մինսկի համաձայնագրերը, որոնք Ուկրաինայում իրավիճակի կարգավորման միակ ճանապարհն են»,- նշել է Սթոլթենբերգը:
Սթոլթենբերգը նաև նշել է Մինսկի համաձայնագրերի պահպանման կարևորությունը: Նա հայտնել է, որ ՆԱՏՕ-ն խորհրդականներ է տրամադրում Ուկրաինայի զինված ուժերի գլխավոր շտաբի և պաշտպանության նախարարության համար:
