Այս տարիների ձեռքբերումն է այն, որ հարաբերական խաղաղությունը պահպանվում է, անկախությունը պահպանված, պաշտպանված է: Ամենամեծ արժեքը ազատության զգացումն է, որ մենք ունենք, – «Առաջին լրատվական»-ի հետ ցրույցում նշեց ՀՀ նախագահի խորհրդական, նախկին ոստիկանապետ Ալիկ Սարգսյանը:
Նրա կարծիքով՝ ԵՏՄ կազմում ընդգրկվելը երկրի տնտեսության զարգացման հետ է կապված և մեր ինքնիշխանությանը որևէ կերպ չի սպառնում: Այս տարի դրական արդյունքները ակնհայտ կլինեն:
Այն, որ օրը ցերեկով Երևանի գլխավոր փողոցներից մեկում ծեծի են ենթարկել ազատամարտիկի, և ոստիկանությունը չի նկատել, և չի կանխվել, Ա. Սարգսյանը չի կապում որևէ ծառայության վատ աշխատանքի հետ. «Չեմ կարծում, թե մեր երկրում բարձիթողի վիճակ է, հանցագործություն միշտ էլ եղել է: Պետք է բացահայտվի, և հանցագործության դեմ պայքար ծավալվում է, օպերատիվ իրավիճակը վերահսկվում է»:
Իսկ Բաղրամյան պողոտայում ոստիկանության՝ ցույցը պարելով ցրելու նոր՝ գեղարվեստական մեթոդի մասին նախկին ոստիկանապետը նշեց. «Կարևորն արդյունքն է, դրական եմ գնահատում, պարելով էր, թե երգելով էր, կարևորը, որ խաղաղ անցավ, ոչ մեկը չտուժեց»:
Մանրամասները՝ տեսանյութում: