Լոնդոնի «Արսենալ»-ի գլխավոր մարզիչ Արսեն Վենգերը պահանջում է միջոցներ ձեռնարկել և պատժել «Չելսի»-ի հարձակվող Դիեգո Կոստային՝ Անգլիայի Պրեմիեր լիգայի 6-րդ տուրի շրջանակներում կայացած թիմերի հանդիպմանը նրա վարքի համար:
«Անշու՛շտ, Ֆուտբոլի միությունը պետք է միջոցներ ձեռնարկի: Միշտ այդպես է լինում: Մանավանդ կցանկանայի, որ Մայք Դինը ևս մեկ անգամ դիտեր այն դրվագը, երբ հեռացրեց մեր թիմի պաշտպան Գաբրիելին, և որոշի, թե արդյոք ճի՞շտ է վարվել՝ կայացնելով նման որոշում:
Մրցավարները պետք է իմանան Դիեգո Կոստայի խաղաոճը: Նա նորեկ չէ և արդեն մեկ տարի է հանդես է գալիս Անգլիայում: Զարմանում եմ, քանի որ եթե ես մրցավար լինեի և սպասարկեի Դիեգո Կոստայի մասնակցությամբ որևէ խաղ, չէի շտապի հեռացնել նրա մրցակցին: Տեղյակ կլինեի, որ այդ խաղացողի պարագայում սադրանքի գործոնը մեծ է»,- Daily Mail-ը մեջբերում է Վենգերի խոսքերը:
