Երեկ երեկոյան Տավուշի մարզի Մովսես գյուղում կրակոց է հնչել, ինչի հետևանքով սպանվել է ՀՀ ՊՆ Տավուշի մարզի Շամշադինի զինկոմ, 49-ամյա Դերենիկ Անուշավանի Պապյանը:
Ոստիկանության լրատվական ծառայությունից Armlur.am-ը տեղեկացել է, որ Պապյանը հրազենային վիրավորում է ստացել պարանոցի շրջանում: Պարզվել է, որ երեկ՝ ժամը 21-ից 22-ն ընկած ժամանակահատվածում, Մովսես գյուղում վիճաբանության ժամանակ 41-ամյա Արթուր Մկրտչյանը իր 16 մմ տրամաչափի երկփողանի որսորդական ողորկափող հրացանով կրակել է Դ. Պապյանի պարանոցին, ինչի հետևանքով վերջինս մահացել է: Արթուր Մկրտչյանն այսօր կեսգիշերին Մովսես գյուղում հայտնաբերվել և բերման է ենթարկվել բաժին:
Հանցագործության գործիք հրացանը դեպքի վայրից առգրավված է: Նշանակվել է դատաբժշկական փորձաքննություն: Կատարվում է նախաքննություն: Փաստի առթիվ հարուցվել է քրեական գործ ՀՀ քր. օր.-ի 104 հոդվածի 1-ին մասի հատկանիշներով:
Մովսեսի գյուղապետ Արարատ Ավալյանը Armlur.am-ին հայտնել է, որ սպանվածն ու սպանության մեջ կասկածվողն Մովսեսի բնակիչներ են: Զինկոմ Պապյանն ունի 2 որդի, մյուսը՝ 3
Մանրամասները՝ սկզբնաղբյուր կայքում