Վերջին 40 տարիներին ծովային կենդանիների պոպուլյացիան կրկնակի կրճատվել է։ Այս մասին հայտնել է Վայրի բնության համաշխարհային հիմնադրամը (WWF)՝ փոխանցում է Rosbalt-ը։
«Մեկ սերնդում մարդու գործունեությունը զգալի վնաս է հասցրել օվկիանոսի ռեսուրսներին, քանի որ ձուկ որսում են ավելի արագ, քան այն կարող է վերարտադրվել»,- նշել է WWF-ի ղեկավար Մարկո Լամբերտինին։
Հիմնադրամի մասնագետները նշում են, որ պարենային ոլորտի համար մեծ նշանակություն ունեցող ձկների որոշ տեսակների ոչնչացում է սպառնում։ Օրինակ՝ 74 տոկոսով կրճատվել է սկումբրիա ընտանիքի ձկների պոպուլյացիան։ Ընդհանուր առմամբ՝ 1970-2012թթ. ծովաձկների պոպուլյացիան կրճատվել է 49 տոկոսով։
