Ինչպես արդեն տեղեկացրել ենք, Մոսկվայի «Սպարտակ»-ի և Հայաստանի ազգային հավաքականի հարձակվող Յուրա Մովսիսյանը վնասվածք է ստացել Ռուսաստանի Պրեմիեր լիգայի ընթացիկ մրցաշրջանի 8-րդ տուրում կայացած «Ռոստով»-ի հետ խաղում (1:0):
Ակումբի պաշտոնական կայքի փոխանցմամբ՝ Մովսիսյանի վնասվածքը լուրջ չէ։ Նա կարող է շարք վերադառնալ մոտ ապագայում։
«Յուրան ազդրի մկանների մասնակի վնասվածք է ստացել, որի արդյունքում ստիպված էր լքել խաղադաշտը։ Վնասվածքը լուրջ չէ։
Նա արդեն վերականգնողական ծրագիր է անցնում։ Բացառված չէ, որ նա կարող է մասնակցել առաջիկա շաբաթ օրը կայանալիք Կրասնոդարի «Կուբան»-ի հետ խաղին»,- ասվում է ակումբի հայտարարությունում։
