Ինչպես գրում է բրիտանական The Guardian-ը, iPhone-ի ու iPad-ի սեփականատերերի տեղափոխությունների տեղեկությունները ձայնագրվում են հատուկ ֆայլի մեջ, որը հետո կարող է փոխանցվել այլ համակարգիչների` սինքրոնացման ժամանակ:
Այս մասին հայտարարել են ՏՏ մասնագետներ Փիթ Վարդենը և Ալասդեր Ալանը` Սան Ֆրանցիսկոյում կայացած «Where 2.0» կոնֆերանսի ժամանակ: Նրանց խոսքերով, iPhone-ը պահապնում է այն տեղեկությունը, թե որտեղ և որ ժամին եք դուք գտնվել օրվա այս կամ այն ժամանակահատվածում:
Մասնագետները նաև ասել են, որ նման «անցքեր» են փորձել գտնել նաև Android օպերացիոն համակարգով գործող սարքերում, սակայն այդպիսիք չեն գտել: Apple- ի վերանշյալ սարքերը կարող են այդ տեղեկությունները պահպանել մինչև մեկ տարի: Այս հայտնագործությունը լուրջ մտահոգություն է առաջացրել Privacy International կազմակերպության ղեկավար Սայմոն Դևիսի մոտ: Վարդենն ու Ալանը նաև նշել են, որ շատ հանարվոր է, որ այդ տեղեկությունները չեն փոխանցվում Apple-ին, այլ մնում են սարքերի մեջ: Apple-ում հրաժարվել են մեկնաբանել այս տեղեկությունը: