Համացանցում ի հայտ է եկել հատուկ կայք, որը նախատեսված է Վենեսուելայի նախագահի պարտականությունները կատարող Նիկոլաս Մադուրոյի կողմից հանգուցյալ Ուգո Չավեսի ազգանվան արտասանման հաճախականության հաշվարկի համար: Այս մասին հայտնում է RIA Novosti-ն:
Այն ստեղծողների տվյալներով՝ առաջիկա նախագահական ընտրություններին աջ ուժերի թեկնածու Մադուրոն Չավեսի ազգանունը մարտի 5-ից՝ նրա մահվանից հետո, հիշատակել է օրական միջինը 220 անգամ: Կայքը վերլուծում է Մադուրոյի բոլոր հրապարակային ելույթները. այդ ընթացքում Մադուրոն հանրային ելույթներում Չավեսի ազգանունն արտասանել է մոտ 3800 անգամ:
Նրա բառապաշարում վերջերս ակտիվորեն կիրառվող բառերի վարկանիշի երկրորդ տեղում «կոմանդանտե» բառն է, որը կիրառվում է օրական 100 անգամ: Հայրենիքում Չավեսին հաճախ այդպես են անվանել:
Վենեսուելայում արտահերթ ընտրությունները կանցկացվեն ապրիլի 14-ին: Հիմնական թեկնածուներն են Մադուրոն և ընդդիմության ներկայացուցիչ, Միրանդա նահանգի նահանգապետ Էնրիկե Կապրիլեսը:
