Չինուհի Ցեն Ւնյուանը շատ է հպարտանում իր մազերով: Եվ դա իզուր չէ, քանի որ դրանք ոչ միայն փարթամ, փայլուն ու գեղեցիկ են, այլև շատ երկար: Նա չի կտրում իր մազերն ավելի քան 11 տարի: Այդ պատճառով դրանց երկարությունը հասել է 199 սմ–ի: Եվ դա այն դեպքում, երբ աղջկա հասակը 152 սմ է:
Չնայած Ինյուանն ընդունում է, որ նման երկար մազերն իրեն երբեմն խանգարում են, բայց աղջիկը ոչ մի դեպքում չի ցանկանում բաժանվել իր հարստությունից կամ էլ գոնե կարճ սանրվածք ունենալ:
Նման երկար մազերը մեծ հետաքրքրություն են առաջացնում շրջապատի մոտ: Ցեն Ւնյուանի խոսքերով՝ իրեն բազմիցս առաջարկել են վաճառել դրանք, իսկ ամենբարձր արժեքը կազմել է 5000 դոլար, բայց ինքը չի ցանկանում բաժանվել իր մազերից:
Նա մանրակրկիտ խնամում է իր մազերն ու հպարտանում, որ դրանք չեն սպիտակում: Նրա խոսքերով՝ եթե դա տեղի ունենար, ապա ինքը միանգամից կներկեր ամբողջությամբ սպիտակ ու կփոխեր ոճը:
Ցենն այնքան է հպարտանում իր մազերով, որ նույնիսկ դուրս չի նետում թափված մազերը, այլ հավաքում է դրանք: Տարվա ընթացքում նա կուտակել է մինչև 50 գրամ մազ:
Սակայն նման երկար մազերին հետևելը հեշտ չէ: Ցենը պատմում է, որ կես օր է ծախսում, որ լվանա ու չորացնի դրանք: Դրա հետ մեկտեղ նա չի կարող մազերը լվանալ լոգարանում: Նա ստիպված է մազերը լվանալ չորս օրը մեկ:
