Թուրքիան կվիճարկի Կիպրոսի ցանկացած գործողություն` ուղղված իր տարածքային ջրերում բնական գազի հանքավայրերի ուսումնասիրությանը ներդրումներ գրավելուն և տնտեսությունը փրկելուն: Այս մասին Reuters գործակալությանը տված հարցազրույցի ժամանակ հայտարարել է բարձրաստիճան թուրք պաշտոնյան:
«Այդ ռեսուրսը պատկանում է երկու համայնքներին, և դրանց ապագա շահագործումը չի կարող կախված լինել բացառապես Հարավային Կիպրոսի կամքից: Մենք կարող ենք միջոցներ ձեռնարկել այդ նախաձեռնությունների դեմ, եթե դա անհրաժեշտ լինի»,- ասել է Թուրքիայի կառավարության աղբյուրը:
Նրա խոսքով` անթույլատրելի է այդ հանքավայրերի օգտագործումը բացառապես Հարավային Կիպրոսի կողմից:
«Մենք խոսում ենք բոլոր գործիքների մասին: Մենք կարող էինք այս հարցը ոչ միայն բարձրացնել Եվրոպական միությունում, այլ նաև օգտագործել քաղաքական և իրավական այլ միջոցներ»,- հավելել է նա:
