Շվեյցարիայի բնակչության մեծ մասը կողմնակից է ծխախոտի գովազդի արգելմանը։ Համանման միջոցառմանն աջակցում է նաև ծխողների 57 տոկոսը։ Այս մասին հայտնում է Le matin-ը։
Նույնիսկ մեկ տուփ սիգարետի արժեքի բարձրացման առաջարկը դրական արձագանք է առաջացրել շվեյցարացիների 58 տոկոսի շրջանում։
Հարցման նման արդյունքները հստակ ազդանշան են տալիս դաշնային պատգամավորներին, ովքեր մոտ ժամանակներս կվերանայեն ծխախոտային արտադրանքների մասին օրենքը։ Երկրի խորհրդարան ներկայացված օրինագծում արգելք է նախատեսվում պաստառների միջոցով, տպագիր ԶԼՄ-ներում և կինոյում սիգարետի գովազդի վրա։ Գովազդը կթուլատրվի վաճառքի կետերում և հովանավորչական գովազդային արշավների ու ակցիաների տեսքով։
