«Առաջին լրատվականն» այսօր տեղեկացրել է, որ Լիբիայի ապստամբների առաջնորդ Մուստաֆա Աբդ Ալ-Ջալիլն այցելել է Փարիզ, որտեղ ընդունելության է արժանացել երկրի նախագահ Նիկոլա Սարկոզիի կողմից: Հանդիպումից հետո Աբդ Ալ-Ջալիլն ասել է, որ հրավիրել է Սարկոզիին ապստամբների ոչ պաշտոնական մայրաքաղաք Բենղազի` նրանց ոգևորելու համար:
«Մենք արդեն քննարկել ենք Ֆրանսիայի նախագահի հետ, թե ինչպես կարելի է աջակցել Լիբիայի հեղափոխությանը: Մեզ խոստացվել է աջակցություն: Մենք Ֆրանսիայի նախագահին հրավիրել ենք այցելել Բենղազի: Ես կարծում եմ, որ դա շատ կարևոր կլինի հեղափոխական ոգուն աջակցելու առումով», ասել է Ազգային խորհրդի նախագահը:
Այս մասին հաղորդում է France Presse գործակալությունը:
Սարկոզիի ներկայացուցիչն ասել է, որ նախագահն այդ հրավերքն ընդունել է ի գիտություն:
