Նորաձևության թագուհի Կլաուդիա Շիֆերը մուտքը նորաձևության աշխարհ եղել է 1987թ.: Շուտով նա տեղափոխվել է Փարիզ և լուսանկարվել ELLE ամսագրի շապիկի համար: Այնուհետև շահավետ առաջարկ է ստացել Chanel նորաձևության տան կողմից:
Աստիճանաբար Կլաուդիան դարձավ աշխարհում ամենաբարձր վարձատրվող մոդելներից մեկը: Նա ամսագրերի շապիկներին հայտնվել է մոտ 900 անգամ: Գերմանական ԶԼՄ-ները միշտ նրան ընդգրկում են Գերմանիայի ամենահարուստ կանանց ցանկում, գրում է gazeta.ru-ն:
Այդ ամենով հանդերձ՝ Կլաուդիան խստաբարո կնոջ համբավ ունի: Ավանդազրույց է դարձել այն, թե ինչպես է նա մերժել արաբ թագաժառանգին: Թագաժառանգը նրա հետ տեսակցության համար առաջարկել էր միլիոն ֆունտ ստերլինգ: Ընդ որում՝ խոսքը միայն միասին ընթրելուն էր վերաբերում: Շիֆերի խոսքով՝ այդ առաջարկը իր կարիերայի ընթացքում ամենատարօրինակ առաջարկն էր: Բրիտանացի ռեժիսոր Մեթյու Վոնի հետ ամուսնական կապի մեջ գտնվող Շիֆերը մերժել է արաբ թագաժառանգին: «Ես գումարի պատճառով չեմ մերժել, ես պարզապես ուզում եմ հանգիստ քայլել փողոցներով՝ հպարտ այն ամենով, ինչով ես զբաղվում եմ»,- ասել է նա:
