ՄԱԿ-ի Կրթության, գիտության և մշակույթի հարցերով կազմակերպությունը՝ ՅՈւՆԵՍԿՕ-ն, դատապարտել է ԴԱԻՇ-ի գրոհայինների կողմից Պալմիրայում Բաալ-Շամին տաճարի ավերումը։ Այս մասին ասվում է ՅՈւՆԵՍԿՕ-ի գլխավոր քարտուղար Իրինա Բոկովայի հայտարարությունում։
«Քաղաքակրթությունների խաչմերուկում առաջացած Պալմիրայի արվեստն ու ճարտարապետությունը սիրիական ինքնության ու պատմության բազմակողմանիության ու հարստության խորհրդանիշն է։ Ծայրահեղականները փորձում են ոչնչացնել այդ բազմազանությունն ու հարստությունը։ Այդ իսկ պատճառով ես միջազգային հանրությանը կոչ եմ անում միասնական ճակատով հանդես գալ նման կանխամտածված մշակութային զտմանը»,- ասվում է հայտարարությունում։
Դրանում ընդգծվում է, որ նման գործողությունները ռազմական հանցագործություն են, և այն անձինք,ովքեր կատարել են դա, պետք է պատասխանատվություն կրեն դրա համար։
