Gazeta.ru-ի փոխանցմամբ՝ գիտնականները պարզել են, որ գործատուի կողմից ներգաղթյալին ախատանքի ընդունելու որոշման վրա վճռորոշ ազդեցություն ունի ոչ թե նրա ռասան կամ ազգությունը, այլ մաշկի երանգը։ Աշխատանքի արդյունքները հրապարակվել են American Sociological Association Annual Meeting կոնֆերանսի ժամանակ։
Հետազոտությանը մասնակցել է լատինաամերիկյան ու ասիական երկրներից ԱՄՆ ժամանած 2003 ներգաղթյալ։ Գիտնականները պարզել են, թե ինչպես են մաշկի գույնն ու մարդու սեռը ազդում նրա աշխատանք ստանալու հնարավորության վրա։ Հետազոտության արդյունքում պարզվել է, որ վճռորոշ ազդեցություն ունի տղամարդ ներգաղթյալի մաշկի երանգը. որքան որ մուգ է այն, ներգաղթյալի համար այնքան բարդ է աշխատանքի տեղավորվելու հնարավորությունը։
Գիտնականներն ԱՄՆ բոլոր բնակիչներին կոչ են անում մտածել, որ ժամանակակից հասարակությունում չպետք է լինեն կարծրատիպեր։
