Ճապոնիայում` Տոկիոյի «Հանեդա» օդանավակայանից ոչ շատ հեռու, հրդեհը խողովակներ արտադրող Nippon Steel & Sumikin Pipe Co.Ltd գործարանից անցել է գործարանի հարևան շինություն, որը պատկանում է կոսմետիկայի և կենցաղային քիմիայի արտադրող Kao Corporation խոշոր ընկերությանը: Այս մասին հաղորդում է «Կիոդո» գործակալությունը:
Kao Corporation-ի գործարանից աշխատակիցները տարհանվել են: Զոհերի կամ տուժածների մասին տեղեկություններ չկան: Հրդեհը տեղի է ունեցել գործարանի տարածքում գտնվող պահեստներից մեկում, պատճառները պարզաբանվում են: Nippon Steel & Sumikin Pipe Co.Ltd-ն պատրաստվում էր նոյեմբերին ապամոնտաժել գործարանը, այդ պատճառով էլ հրդեհի ժամանակ ոչ ոք չէր աշխատում:
Ըստ Ճապոնիայի տրանսպորտի նախարարության` հրդեհը չի ազդել ավիահաղորդակցության վրա:
