Անգլիացի գրող Ջեյմս Հերբերտը, որը հայտնի է առաջին հերթին իր «Առնետները» վեպով, մարտի 20-ին, 69 տարեկանում մահացել է: Այս մասին հայտնում է The Guardian-ը՝ հղում կատարելով Հերբերտի հրատարակչին:
Գրողը մահացել է Սուսսեքս կոմսությունում գտնվող իր տանը: Նրա մահվան պատճառը դեռ հայտնի չէ:
Սարսափի ժանրում ստեղծագործող գրողը ծնվել է 1943թ.՝ Լոնդոնում, երիտասարդ տարիներին երգել է, ղեկավարել գովազդային գործակալություն:
Նրա առաջին՝ «Առնետները» վեպը հրատարակվել է 1982թ.: Այդ ֆանտաստիկ ստեղծագործությունը, որը Լոնդոնի վրա հարձակված մարդակեր առնետների մասին է, միանգամից ճանաչում բերեց գրողին: Նույն տարում գիրքը էկրանավորվեց:
Գրողն ընդհանուր առմամբ գրել է 23 վեպ ու վաճառել իր ստեղծագործություններից 54 մլն օրինակ:
2010թ. նա արժանացել է Բրիտանական կայսրության շքանշանի: Նրա վերջին վեպը՝ Ash («Մոխիր»), լույս է տեսել 2012թ.:
Ջեյմս Հերբերտն ամուսնացած է, ունի 3 դուստր:
