Gogetnews.info-ի փոխանցմամբ` բրիտանացի հետազոտողները պարզել են, թե որոնք են ամենաառատաձեռն ու ամենաժլատ ազգերը:
Հետազոտությունն իրականացրել է բրիտանական Direct Line ապահովագրական ընկերությունը: Այն անցկացվել է մոլորակի ամենահայտնի հանգստավայրերում` Բարսելոն, Լաս Վեգաս, Փարիզ, Սան Պաուլու ու Իբիցա:
Պարզվել է, որ թեյավճարների հարցում ամենաժլատը ֆրանսիացիներն են, որոնք թողնում են հաշվի 5 տոկոսի չափ թեյավճար, մինչդեռ աշխարհում միջին ցուցանիշը կազմում է 11 տոկոս:
Ֆրանսիացիներից մի քիչ ավելի` 7 տոկոս, թողնում են բրիտանացիները, իսկ երրորդ տեղում իտալացիներն են: Ամերիկացիների ցուցանիշը կազմել է 13 տոկոս, որով և նրանք ճանաչվել են ամենաառատաձեռն հաճախորդներ:
Առատաձեռն ազգերի թվում երկրորդ տեղում գերմանացիներն են, իսկ երրորդ տեղում` ռուսները: Հետազոտողներն ընդգծում են, որ վերջին շրջանում կտրուկ նվազել է թեյավճար թողնող մարդկանց թիվը:
