Ռուսական «Վզգլյադ» թերթի փոխանցմամբ` «Ազատ սերունդ» ՀԿ-ն, որը հանդես է գալիս երկրի նախկին նախագահ, ներկայումս Օդեսայի նահանգապետ Միխեիլ Սաակաշվիլու «Միասնական ազգային շարժում» կուսակցության գործունեության բացահայտմամբ, հայտարարել է, որ Սաակաշվիլու կուսակցությունը պլանավորել է վաճառել Թբիլիսիում իր կենտրոնական գրասենյակը:
ՀԿ-ի ղեկավար Վլադիմիր Սադգոբելաշվիլին, վկայակոչելով իր աղբյուրները, հայտնել է, որ գրասենյակը վաճառելու մասին որոշումը կապված է ՄԱՇ-ի ունեցած ֆինանսական լուրջ ճգնաժամի, ինչպես նաև ներքին տարաձայնությունների հետ:
Մասնավորապես, նրանց հաղորդմամբ` ոչ վաղ անցյալում կուսակցությունը լքած չորս պատգամավոր այժմ պահանջում են իրենց մասնաբաժինը:
