Փորձագետները նախազգուշացնում են, որ դոլարի նկատմամբ թուրքական լիրայի փոխարժեքի շոկային անկումը կարող է վտանգի տակ դնել Թուրքիայի անդամակցությանը G-20 երկրներին: Այդ մասին հայտնում է Ukrop-ը հղում կատարելով mk-turkey-ին:
2013 թվականին Թուրքիայի տնտեսությունը աշխարհում զբաղեցնում էր 17-րդ տեղը` $823 միլիարդ ՀՆԱ-ով: Սակայն անցյալ տարի այն իր տեղը զիջեց Նիդեռլանդներին հայտնվելով 18-րդ տեղում կապված տնտեսական աճի զարգացման տեպմերի դանդաղման հետ:
Այս տարվա առաջին եռամսյակում նշվել է աճի տեմպերի հետագա նվազում, քանի որ ՀՆԱ-ն ավելացել է ընդամենը 2,3 տոկոսով: Վերլուծաբանների կանխատեսմամբ տարվա վերջում սպասվում է, որ ՀՆԱ-ն չի գերազանցի 3 տոկոսը:
Քանի որ երկար ժամանակ ազգային տարադրամի անկմանը զուգահեռ երկրում նկատվում է տնտեսության զարգացման թույլ տեմպեր, արդեն տարվա վերջին Թուրքիայի G-20-ին անդամակցությունը վտանգի տակ կդրվի:
Ներկա պահին G-20 երկրների ցուցակը եզրափակում են Սաուդյան Արաբիան և Շվեյցարիան, որոնց ազգային եկամուտները կազմում են համապատասխանաբար $746 միլիարդ և $685 միլիարդ:
