Friday, 29 03 2024
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը

Չի կարելի Տիգրան Սարգսյանի պես կիսագրագետ մարդու վստահել երկրի կառավարությունը (տեսագրություն)

«Առաջին լրատվական»-ի Realpoitik ծրագրի զրուցակիցը «Ազատություն» կուսակցության առաջնորդ, Հայաստանի նախկին վարչապետ Հրանտ Բագրատյանը։


– Պրն Բագրատյան, Հայաստանի իշխանություններն իրենց հայացքն ուղղել են դեպի գյուղ: Ինչո՞ւ հենց հիմա, և ի՞նչ կարող է տալ գյուղը Հայաստանի տնտեսությանը:


– Երնեկ թե այդ հայացքը չուղղեին դեպի գյուղ: Ես ձեզ հայտարարում եմ ամենայն պատասխանատվությամբ, որ Հայաստանի իշխանությունը որևէ         պատկերացում չունի՝ ինչ պետք է անել գյուղացիներին: Այո, մի քանի կիլո սերմացու են ստացել, բաժանում են գյուղացիներին, հետները նկարվում են: Առաջ անցնելով՝ ասեմ, որ եթե օրենքներ ընդունելիս որոշիչ ձայն ունենանք, մենք քրեական հոդված կդնենք այն բարեգործների վրա, որոնք իրենց բարեգործությունը ցույց են տալիս: Իմ կարծիքով, գյուղացուն օգնել պետք չէ, պետք է ուղղակի չխանգարել: Այդ «օգնության» արդյունքում գործարանները օրերս հայտարարեցին, որ կիսով չափ պակասեցնելու են խաղողի մթերումը: Պաշտոնական թվերով` կոնյակի արտադրությունը աճել է 28%-ով, բայց անկումը այնքան մեծ էր, որ այդ աճը օգուտ չտվեց: 2009 թ. ունեցել ենք 36% անկում, թող 4%-ը պայմանավորված լինի համաշխարհային ճգնաժամով, 34%-ը պայմանավորված է կառավարության սխալ քայլերով:


2003 թ. Քոչարյանը սեփականաշնորհման արդյունքում հողերը տվեց իր շտաբի պետին, կայազորի պետին: Սրանցից յուրաքանչյուրի մթերած գյուղատնտեսական հումքի դիմաց 300-400 գյուղացի էլ չի կարող մթերք վաճառել: Կամ ստեղծում ենք խոշոր բրիգադներ, ինչպես շաքարի գործարանը Ախուրյանում, կամ պետք է փոքր գյուղացիական տնտեսություններ ստեղծենք: Այդ դեպքում պետք է խոշորների դեմն առնենք ու մտածենք՝ մանրերին ինչպես պահենք: «Արտֆուդ»-ի տնօրենին դրեցին գյուղնախարար: Նա գիտի, որ մյուս տարի իրեն հանելու են, հիմա սրա խնդիրն է որքան հնարավոր է՝ էժան մթերում անել: Վարչապետը ոչինչ չի հասկանում: Չի հասկանում, որ գյուղացուն պետք է պահել փոխադարձ օգնության կորպորացիայով, որում սեփականատեր են միայն նրանք, ովքեր հող ունեն: Երկրորդ` սեփականության հիմքով գյուղացուն պետք է տանք ոռոգման համակարգ: Իբր թե ստեղծեցին ջրօգտագործողների միություն և քաղաքից մարդիկ են նշանակում: Փորձեք սա տալ գյուղացուն, էդ ՋՕՄ-ի նախագահերին 3 ամիսը մեկ փոխեք:


– Դուք ասում եք գրեթե բոլոր ասպարեզներում կառավարության ձախողման մասին: Ըստ Ձեզ՝ ե՞րբ, ո՞ր կետից սկսվեց ձախողումը։


– Ամենամեծ ձախողումն այն է, որ կառավարությունը քաղաքական է: Հայաստանի 500.000 գյուղացին որևէ ներկայացուցիչ չունի խորհրդարանում: 10 օլիգարխ ունենք, 10-ն էլ՝ պատգամավոր: Հայաստանը դարձել է ոչ թե բուրժուական, այլ խոշոր բուրժուազիայի երկիր: Ինքը՝ կառավարությունը, սոցիալապես միասեռ չէ: Նրանք չեն կարող խոշոր բուրժուազիային դեմ գնալ, պիտի այնպես անեն, որ գյուղացին աղքատ լինի, որ կաշառք վերցնի ու իրենց ընտրի: Երկրորդ` չի կարելի Տիգրան Սարգսյանի պես անհավասարակշիռ, ոչ բավականաչափ գրագետ ու պրոֆեսիոնալ մարդու վստահել երկիր կառավարությունը: Անգրագետ մարդը ավելի լավ կաշխատի վարչապետ, քան կիսագրագետը: Որովհետև կիսագրագետ մարդը մտածում է, որ ինքը գիտելիք ունի:


Անգրագետ մարդը նման է համակարգչին, կարող է սովորել, կարող է` ոչ: Կիսագրագետ մարդու ուղեղը լցված է ոչ պիտանի բաներով:


– Գազի գնի բանակցությունները շարունակում են մնալ օրակարգում, և Ռուսատանը դեռ չի որոշել` որքան պիտի արժենա Հայաստան ուղարկվող գազը: Ի՞նչ եք կարծում` ինչո՞ւ չեն կարողանում համաձայնության գալ գազի գնի շուրջ:


– Դժվար է ինձ համար ասել` ինչ է հիմա կատարվում, բայց պարզ է` ինչ է մինչև հիմա եղել: Անցյալ տարի ստացել ենք 450 դոլար գազի գին: Նախ՝ պակաս կալորիականության գազ, քան Եվրոպային ուղղված գազը, և ավելի թանկ գնով: Երրորդ` գազի գները բարձրացնելուց հետո ասում են՝ 36% սպառման անկում է եղել: Մինչդեռ 16 մլդ դրամ անցյալ տարի ներդրում արեցին, որի ամենամեծ մասը ուղղված էր Աբովյանի գազապաստարանի ընդլայնմանը: Նույնիսկ Ռուսաստանը ասաց՝ էդ ինչ ապուշ որոշումներ եք ընդունել: ՀայՌուսգազարդը հայտարարում է, որ բնակավայրերի 96%-ը գազաֆիկացրել են և 10 մլդ-ի ներդրում են արել: Հարց է ծագում՝ ինչու են գազաֆիկացնում բնակավայրերը, որոնք գազ չեն վերցնում, միայն 60%-ն է հիմա գազ վերցնում։ Երկրորդ` 16 միլիարդից 10-ն են ներդրում արել: Որոշում են կայացնում մնացածը 50 հազար ընտանիքին նպաստ տալ, յուրաքանչյուրին՝ ամսական 9000 դրամ, այսինքն` տարեկան 5 մլդ 400 մլն: Եվ ինչու են նպաստ տալիս 50 հազար ընտանիքի, երբ նպաստառու ընտանիքները 110 հազար են: Ակնհայտ կոռուպցիա: Վարչապետը ոչ թե պիտի առաջարկեր, որ էլ չառանձնացնեն, այլ պիտի դիտողություն աներ ՀայՌուսգազարդին և գների կարգավորման հանձնաժողովին: Կառավարությունը չունի գազի առաջարկի կոր: Նույնպես չունի ձվի առաջարկի և պահանջարկի կոր: Հասարակ միկրոէկոնոմիկայի խնդիր է: Այսպիսի տարրական վերլուծական աշխատանք բացառվում է կառավարությունում:


– Իրանը հայտարարեց, որ պատրաստ է վեց անգամ ավելացնել Հայաստան առաքվող գազի ծավալները: Այստեղ կա՞ քաղաքական բաղադրիչ:


– Իհարկե կա: Կարծում եմ Իրանը դա չի ուղղում Ռուսաստանին: Իրանը պատրաստ է աջակցել Հայաստանի տնտեսական և քաղաքական վիճակի կայունացմանը: Հայաստանը մեծ նշանակություն ունի Իրանի համար: Ես ենթադրում եմ,որ Իրանից գազը չեն ներկրում, որովհետև չեն ստացել Ռուսաստանի հավանությունը: Իրանը նաև հայտարարեց, որ 20%-ով գինը կիջեցնի: Այսինքն՝ հնարավոր է մոտ 80 հազարով գազ տալ ժողովրդին, մոտ երկու անգամ գինը իջեցնել:


– Արաբական հեղափոխությունների հիմքը սոցիալական էր, այստեղ նման հիմք տեսնո՞ւմ եք:


– Շատ ավելի սուր: Մենք ավելի վատ ենք ապրում, քան արաբական երկրներում: Հայ մարդը ապրել չի ուզում: Գնում ենք դեպի կործանման: Սոցիալական բունտը նաև ժողովրդավարացման պայքարի խթան կարող է դառնալ: Կուզեի, որ ցանկացած ընդդիմադիր ուժ էլ ՀԱԿ-ի պես միտինգներ աներ, որտեղ տեսնում ենք սոցիալական բողոքը, արդարության ձգտումը:


– Ի՞նչ սպասելիքներ ունեք ապրիլի 28-ի հանրահավաքից:


– Առաջին`շարժումը հետևողականորեն պիտի տանենք մինչև վերջ: Երկրորդ` քաղաքական և սոցիալական շարժումների գլխին շանտաժ չդարձնենք ղարաբաղյան հարցը: Երրորդ` պետք է որոշենք խոշոր բուրժուազիայի հարցը: Եթե էսօրվա Սահմանադրությունը կա, այդ խոշոր բուրժուազիան պետք է հեռանա:


Բաժիններ
Ուղիղ
Լրահոս
Որոնում