France Presse լրատվական գործակալության փոխանցմամբ՝ Եվրոպայում մեկնարկել են «սառը պատերազմի» ավարտից ի վեր ՆԱՏՕ-ի խոշորագույն օդա-դեսանտային զորավարժությունները։ Դրանք տևելու են մինչև սեպտեմբերի 13-ը։
Զորավարժություններին մասնակցում է ավելի քան 4800 զինծառայող։ Զորավարժություններին մասնակից երկրներն են ԱՄՆ-ը, Մեծ Բրիտանիան, Իսպանիան, Լեհաստանը, Պորտուգալիան, Իտալիան, Նիդերլանդները, Գերմանիան, Հունաստանը, Ֆրանսիան, Բուլղարիան։
Ամերիկյան բանակը հայտնել է, որ Swift Response 15 զորավարժություններն անցկացվում են Գերմանիայում և խոշորագույնն են «սառը պատերազմի» ավարտից հետո։ Ավելի վաղ հաղորդվել էր, որ ՆԱՏՕ-ն սեպտեմբերի 11-22-ը Հոնիական ծովում անցկացնելու է DYNAMIC MANTA մասշտաբային հակասուզանավային զորավարժություններ։
