Ադրբեջանական Turan լրատվական գործակալության փոխանցմամբ՝ ԱՄՆ Հելսինկյան հանձնաժողովի նախագահ Քրիստոֆեր Սմիթը կտրականապես դատապարտել է Ադրբեջանում Լեյլա ու Արիֆ Յունուսներին տևական ժամկետներով ազատազրկման դատապարտելը:
«Ես դատապարտում եմ երկու իրավապաշտպանների՝ Լեյլա ու Արիֆ Յունուսների նկատմամբ դաժան դատավճիռը, որոնք քաղաքական այլակարծության համար բռնությունների են ենթարկվել կառավարության կողմից։ Լեյլան ու Արիֆը շատ հիվանդ են և արդեն մեկ տարի է, ինչ ազատազրկման մեջ են։
Նրանց ազատազրկման դատապարտելու մասին դատավճիռը փաստացիորեն մահվան դատավճիռ է։ Այլ քաղբանտարկյալների՝ ներառյալ լրագրողներն ու փաստաբանները, պաշտպանությանն ուղղված նրանց խաղաղ գործունեության համար ներկայացված մեղադրանքները ևս մեկ անգամ վկայում են, որ Ադրբեջանը ջնջել է խոսքի ազատության ու այլակարծության բոլոր ձևերը»։
