Լիբիայի իշխանությունները սկսել են լայնածավալ գործողություն, որի նպատակն է զինված խմբավորումները դուրս բերել մասնավոր կամ պետական շինություններից, որոնք նրանք ապօրինի են զավթել: Ինչպես հաղորդում է Vesti-ն, այս մասին հայտարարել է Լիբիայի ներքին գործերի նախարար Աշուր Շուվայլը:
Կառավարության կողմից ընդունված միջոցառումներն իրականացնելու համար կենտրոնացվել են ազգային բանակի և ոստիկանության համատեղ ուժերը: Նախարարը չի բացառել գործողության ընթացքում ուղղաթիռներ կիրառելու հնարավորությունը, որն անցկացվելու է երկրի բոլոր քաղաքներում:
Ինչպես նշել են տարածաշրջանային դիտորդները, նախկին հեղափոխականներին իրենց կողմից զավթված շինություններից դուրս մղելու իշխանությունների ձեռնարկած գործողության նպատակն է ապահովել Լիբիայի անվտանգությունը:
Լիբիայի վարչապետ Ալի Զեյդան Մուհամադը զգուշացրել է, որ կառավարությունը ուժ կկիրառի բոլոր նրանց դեմ, ովքեր դիմադրություն ցույց կտան:
