Ապրիլի 19-ին Ռուսաստանի Դաշնության նախագահ Դմիտրի Մեդվեդևը վավերացնելու համար երկրի խորհրդարան է ներկայացրել Գյումրիում ռուսական ռազմաբազաների տեղակայման ժամկետը երկարացնելու մասին անցած տարի Երևանում ստորագրված արձանագրությունը:
Արձանագրությամբ, որը ստորագրվել է 2010 թ. օգոստոսի 20-ին Երևանում, նախատեսվում է, որ ռուսական ռազմաբազաները կշարունակեն իրենց գործունեությունը մինչև 2044 թ.: Այս մասին հաղորդում է ITAR-TASS գործակալությունը` հղում անելով ՌԴ նախագահի մամուլի ծառայությանը:
Հիշեցնենք նաև, որ այս արձանագրությունը Հայաստանի խորհրդարանն արդեն վավերացրել է: