Ինչպես հաղորդում է The Washington Post-ը, ինքնաթիռը, որով ԱՄՆ նախագահ Բարաք Օբամայի կինը` Միշելը, Նյու Յորքից վերադառնում էր Վաշինգտոն, կարողացել է խուսափել ռազմական ինքնաթիռի հետ բախումից:
Միջադեպը տեղի է ունեցել Էնդրյուս ռազմաբազայի մոտ: Երբ նախագահի տիկնոջ Boeing-737 ինքնաթիռը մոտենալիս է եղել օդանավակայանին, պարզվել է, որ այն ռազմական C-17 ինքնաթիռին շատ մոտ է գտնվում: Եղել է վտանգ, որ առաջին ինքնաթիռի ստեղծած օդային պարկերի հետևանքով հետևից եկող Boeing-737-ի անձնակազմը կարող էր կորցնել վերահսկողությունը, և վթարից հնարավոր չէր լինի խուսափել: Ընդ որում, ինքնաթիռների մոտ լինելը պարզվել է այն ժամանակ, երբ երկու ինքնաթիռներին էլ թույլատրվել է վայրեջք կատարել:
Նախագահական ինքնաթիռին անմիջապես հրամայվել է դադարեցնել վայրէջքը և կրկնել այն նորից: Ինչպես նշում են մասնագետները, այս դեպքում սխալվել են դիսպետչերները, որոնք ժամանակին չեն ֆիքսել ինքնաթիռների մոտ լինելը և համապատասխան հրամաններ չեն արձակել: