Aston Martin ավտոմեքենաների ապրանքանիշն այս տարի նշում է իր 100 ամյակը: Այս իրադարձության կապակցությամբ ընկերությունը ներկայացրել է հոբելյանական հավաքածու, որն իր մեջ ներառում է լավագույնը, հաղորդում է RBK-ն:
Հավաքածուն կոչվում է Silver by Aston Martin և, ինչպես վկայում է անունը, դրանք արծաթե արտադրանքներ են, որոնք ստեղծվել են Գրանտ Մաքդոնալդսի հետ համագործակցությամբ։ Վերջինս համարվում է Լոնդոնի լավագույն արծաթագործը։
Այս հավաքածուի բազմազան իրերը բաժանված են մի քանի կարգերի` սնունդ, խմիչք, մեքենաների մոդելներ, ճամփորդություն, հանգստի իրեր և պատվերով իրեր:
Հավաքածուի ամենանշանակալից արծաթե տարան գնահատվում է 15 հազար 280 դոլար: Հավաքածուի մեջ կան նաև դանակներ, պատառաքաղներ և սպասքի այլ պարագաներ:
One-77 շամպայնի տարան, որն այդպես է կոչվել Aston Martin One-77 սուպերմեքենայի պատվին, գնահատվում է 46 հազար 716 դոլար:
Հանգստի համար նախատեսված զամբյուղն արժե 4 հազար 350 դոլար:
Silver by Aston Martin հավաքածուի մեջ ներառվել է նաև One-77 ավտոմեքենայի փոքրացված արծաթե մոդելը, որն արժե 79 100 դոլար:
