Իտալիայի նախկին վարչապետ Սիլվիո Բեռլուսկոնին «հիմարներ» է անվանել ցուցարարներին, որոնք իրեն ուղղված սուլոցներ են արձակել երկրի խորհրդարանի շենքի մուտքի մոտ: Քաղաքական գործիչն այնտեղ էր ժամանել՝ քվեարկելու Սենատի ղեկավարի ընտրություններում: Այս մասին հայտնում է Rosblat-ը:
«Դուք պետք է ամաչեք, դո´ւք, աղքա´տ հիմարներ»,- ասել է վարչապետը մի քանի տասնյակ մարդկանցից կազմված խմբին, որը նրան դիմավորել է «ծաղրածու» բացականչելով. կառավարության նախկին ղեկավարը ակնոց էր կրում:
Հիշեցնենք, որ նա վերջին մեկ շաբաթն անցկացրել է Միլանի հիվանդանոցներից մեկում՝ «սուր կոնյուկտիվիտ» ախտորոշմամբ:
Ներկայում դատարանը քննում է Բեռլուսկոնիի դեմ երկու գործ՝ հարկային խարդախությունների և անչափահաս մարմնավաճառի ծառայություններից օգտվելու վերաբերյալ:
Ինչպես նշվում է՝ Սենատի խոսնակ է ընտրվել Պյետրո Գրասոն: Ձախ կենտրոնամետ ուժերի 68-ամյա ներկայացուցիչը հայտնի է կազմակերպված հանցավորության դեմ իր պայքարով: