ԿԸՀ նախագահ Տիգրան Մուկուչյանը Սահմանադրական դատարանի վճռի հրապարակումից հետո լրագրողների հետ ճեպազրույցի ընթացքում նշեց, որ նախագահի արդեն նախկին թեկնածուներ Րաֆֆի Հովհաննիսյանի և Անդրիաս Ղուկասյանի՝ ՀՀ նախագահ ընտրվելու վերաբերյալ ԿԸՀ որոշումը վիճարկող դիմումներն անհիմն ու մերկապարանոց հայտարարություններ էին. «Կարծում եմ՝ գործի քննության այս օրերին բոլորին հայտնի դարձավ, թե ինչ ծավալով են կողմերն օգտագործել իրենց հնարավորությունները: Աննախադեպ էր միայն, որ մեկ ընտրատեղամասում՝ 17/5-ում արդյունքներն անվավեր ճանաչվեցին, ինչը չի կարող վերաբերել ամբողջ արդյունքներին»:
Տ. Մուկուչյանը հավելեց, որ եթե կային այլ փաստական հանգամանքներ, ապա հայցվոր կողմը պարտավոր էր ներկայացնել ու ապացուցել մյուս ընտրատեղամասերի մասով ևս:
