Փարիզի դատարանը մարտի 13-ին բասկերի ETA անջատողական խմբավորման նախկին ղեկավար Միգել դե Գարիկոիզ Ասպիազու Ռուբինային դատապարտել է 20 տարվա ազատազրկման, հայտնում է Reuters-ը: Ավելի վաղ Իսպանիայում Միգել Ռուբինան դատապարտվել էր 377 տարվա ազատազրկման:
Միգել Ռուբինան, որը հայտնի է Չերոկի անունով, մեղավոր է ճանաչվել 2007թ. Ֆրանսիայում իսպանացի ամուսիններին ու նրանց երեխային առևանգելու մեջ: Բացի այդ՝ նրան մեղավոր են ճանաչել շուրջ 500 կգ պայթուցիկ սարք պատրաստելու մեջ:
Իր ելույթում, որը Միգելը արտասանել է դատավճռի հրապարակումից հետո, նա կոչ է արել Ֆրանսիայի կառավարությանը լուծում գտնել բասկյան խնդրում, ինչպես նաև ցավակցություն է հայտնել ETA-ի մեղքով մահացած մարդկանց ազգականներին:
Ինչպես գրում է Agence France-Presse-ը, 20 տարվա ազատազրկման են դատապարտվել Ռուբինայի 3 համախոհները: ETA-ի ևս 6 անդամներ դատապարտվել են ազատազրկման 8-16 տարով:
Ռուբինան կալանավորվել էր 2008թ. Ֆրանսիական Պիրենեյներում: 2006-ից Ռուբինայի նկատմամբ Իսպանիայում հետախուզվում էր հայտարարվել: Իսպանիայի ոստիկանությունը կասկածում է, որ նա առնչություն ունի Մադրիդի «Բարախաս» օդանավակայանի ահաբեկչության կազմակերպմանը:
2009թ. Միգել Ռուբինան արտահանձնվեց Իսպանիա, որտեղ 2011թ. Իսպանիայի ազգային դատական կոլեգիան նրան դատապարտեց 377 տարվա ազատազրկման:
Նրան մեղավոր էին ճանաչել սպանության 20 փորձի մեջ:
