Արդբեջանական APA լրատվական գործակալության փոխանցմամբ, նախորդ տարի թուրքական ընկերություններն Ադրբեջանին հատկացրել են 267 միլիոն դոլարի պաշտպանական (ռազմական) արտադրանք:
Հրթիռների ու ռեակտիվ զինամթերքի արտադրության ոլորտում Թուրքիայում առաջատար ROKESTAN ընկերությունն Ադրբեջանին հատկացրել է 244 միլիոն դոլարի արտադրանք: Մնացած 23 միլիոն դոլարի արտադրանքը (Cobra զրահատրանսպորտ և Land Rover Defender ավտոմեքենաներ) մատակարարել է Otokar ընկերությունը:
Նշվում է, որ թուրքական Dearsan նավաշինական ընկերությունը թուրքմենական կողմի հետ պայմանագիր է ստորագրել 120 միլիոն դոլարի ընդհանուր արժողությամբ նավեր մատակարարելու համար:
Կարելի է կարծել, որ այս տարի այդ ցուցանիշներն առավել մեծ կլինեն` հաշվի առնելով այն, որ մարտի 10-ին թուրքական խորհրդարանը վավերացրեց «Ռազմավարական համագործակցության ու փոխօգնության» մասին թուրք-ադրբեջանական պայմանագիրը, իսկ մարտի 29-ին Թուրքիայի նախագահ Աբդուլլահ Գյուլն իր ստորագրությամբ հաստատեց այն:
