Պարզվել է, որ ամուսնությունը ոչ այնքան առողջ մարդկանց ոչնչով չի օգնում: Այս մասին հաղորդում է Raut-ը:
Ամերիկացի գիտնականները, ըստ 1986-2004 թթ. իրականացված հարցման արդյունքների, վերլուծել են մոտ 800 հազար մարդկանց տվյալներ: Հետազոտողներն ուսումնասիրել են նաև այդ ընթացքում հարցմանը մասնակցած, սակայն մահացած 24 հազար մարդկանց տվյալները: Պարզվել է, որ չամուսնացած մարդկանց մոտ ավելի մեծ է մահվան հավանականությունը:
Իրենց առողջական վիճակը շատ լավ գնահատող երբևէ չամուսնացած մարդիկ մահանալու ավելի մեծ «շանսեր» ունեն, քան նույն առողջական վիճակ ունեցող ամուսնացածները: Սակայն շատ վատ առողջական վիճակ ունեցող ամուսնացած և չամուսնացած մարդկանց համար մահվան հավանականությունը նույնն է: Այս հետազոտությունները ցույց են տվել, որ ամուսնությունը կարող է օգտակար լինել, այսպես ասած, «ընթացիկ» հիվանդությունների դեպքում, իսկ լուրջ հիվանդությունների դեպքում այն չի կարող օգնել:
