LinkedIn սոցիալական կայքը քննարկում է նորություններ ընթերցելու համար նախատեսված Pulse հավելվածը գնելու հնարավորությունը: Ինչպես հաղորդում են AllThingsD պարբերականի աղբյուրները, խոսքը տասնյակ միլիոն դոլար արժողությամբ գործարքի մասին է:
Pulse-ը ամենահայտնի RSS-ընթերցիչներից մեկն է բջջային սարքերի համար: Ծրագիրը կոնտենտ է հավաքագրում տարբեր աղբյուրներից և այն ներկայացնում է «ամսագրային» և ընթերցելու համար հարմարավետ ձևով: ընթերցիչի տարբերակներ կան Android-ի, iPhone/iPad-ի, Kindle-ի, Windows Phone-ի համար։
Pulse-ից օգտվում է շուրջ 20 միլիոն մարդ, որոնք հավելվածի միջոցով օրական կարդում են շուրջ 10 միլիոն հոդված:
Աղբյուրների գնահատականների համաձայն՝ LinkedIn-ը պատրաստ է Alphonso Labs ընկերության համար (Pulse-ի մշակող) վճարել 50-100 միլիոն դոլար:
Նշենք, որ 2011 թ. CNN հեռուստաալիքը Pulse-ի մրցակիցներից մեկին՝ Zite-ին, գնել է 20 միլիոն դոլարով:
