Շվեդ գիտնականները մարդու գենոմում օրինաչափություն են նկատել: Գեները, որոնք ղեկավարում են կենսաբանական ժամացույցը, փոխվում են մեկ անքուն գիշերվանից հետո՝ հայտնում է Planet-today-ը:
Գիտական փորձերով գիտնականներն ապացուցել են օրգանիզմի համար բացասական հետևանքների առկայությունը քնի կորստի և պակասի դեպքում: Մարդիկ կարող են քաշ հավաքել կամ նրանց մոտ կարող է երկրորդ տիպի դիաբետ առաջանալ՝ նշել է հետազոտական խմբի անդամ Ջոնաթան Սիդերնասը:
Փորձին մասնակցել է 15 տղամարդ, որոնց պարտադրել են 2 գիշեր լաբորատորիայում անցկացնել: Առաջին գիշերը նրանք քնել են ինքնակամ, իսկ երկրորդին քնել են սովորական ռեժիմով: Մասնակիցների վրա բոլոր արտաքին ազդեցությունները խստորեն վերահսկվել են: Փորձի ավարտին տղամարդկանց որովայնից և ազդրից ճարպի նմուշներ են վերցվել, նաև ստուգել են արյունը:
Մոլեկուլյար հետազոտությունը ցույց է տվել, որ մեկ գիշերը կարող էր ուժեղ ազդեցություն ունենալ «ժամային» գեների վրա: Բժիշկ Սիդերնասը հայտարարել է, որ իրենց առաջին անգամ հաջողվել է էպիգենետիկ փոփոխություններ տեսնել մեկ գիշերվանից հետո:
Տղամարդկանց մոտ նկատվել է ընկալունակություն գլյուկոզայի և մի շարք այլ խախտումների նկատմամբ: Գիտնականները չգիտեն գործընթացների տևականությունը: Մարդու աշխատանքի գրաֆիկը, որի դեպքում մարդը քնի պակաս է ունենում, կարող է հանգեցնել բացասական հետևանքների հյուսվածքների գենոմի և նյութափոխանակության վրա:
