Կանայք ղեկին երկու անգամ ավելի քիչ են սելֆի անում, քան տղամարդիկ՝ պարզել է Պրոֆեսիոնալ մեքենավարման բրիտանական ինստիտուտի (The Institute of Advanced Motorists (IAM) հարցումը՝ նշելով, որ ով էլ դա անի՝ նույնքան վտանգավոր է, որքան ոչ սթափ վիճակում մեքենա վարելը: Այս մասին հայտնում է RIA Novosti-ն:
«Հարցվածների 9%-ը խոստովանել է, որ վերջին ամսում ղեկին սելֆի է արել: Դա 15%-ով ավելի է 18-24-տարեկանների շրջանում և 19%-ով՝ 25-35-տարեկանների»,- ասվում է IAM-ի հետազոտության մեջ:
Նշվում է, որ կանայք այդ նորաձևության հանդեպ «ավելի զուսպ են», քան տղամարդիկ. վերջին ամսում կանանց միայն 5%-ն է սելֆի արել վարելու ընթացքում, տղամարդկանց՝ 12%-ը:
Ինստիտուտի հետազոտությունը նաև ցույց է տվել, որ դեպքերը, երբ վարորդները ղեկին տեսանյութ են դիտում, 13%-ով աճել են 18-24-տարեկանների շրջանում և 15%-ով՝ 25-32-տարեկանների: Իսկ ղեկին համացանցի օգտագործումը 27%-ով աճել է 18-24-տարեկան վարորդների շրջանում, 34%-ով՝ 25-34-տարեկանների:
