«Լիվերպուլ»-ը պայմանագիր է ստորագրել «Ասթոն Վիլա»-ի և Բելգիայի հավաքականի հարձակվող Կրիստիան Բենտեկեի հետ: Այդ մասին հայտնում է լիվերպուլյան ակումբի պաշտոնական կայքը: Գործարքի մանրամասները չեն հրապարակվում: Տեղեկությունների համաձայն՝ 24-ամյա ֆուտբոլիստի տրանսֆերի դիմաց 32.5 մլն ֆունտ է վճարվել:
«Ասթոն Վիլա»-ի կազմում Բենտեկեն հանդես է գալիս 2012 թվականից: Անգլիայի պրեմիեր լիգայի նախորդ մրցաշրջանում հարձակվողը 29 հանդիպում է անցկացրել, 13 գոլ խփել, գոլային 2 փոխանցում կատարել:
Ընդհանուր առմամբ, Բենտեկեն մասնանկցել է «Ասթոն Վիլա»-ի 101 խաղերի և 49 գոլի հեղինակ է դարձել: Ֆուտբոլիստը 24 հանդիպում է անցկացրել Բելգիայի հավաքականի կազմում՝ դառնալով 7 գոլի հեղինակ:
