Քիմ Քարդաշյանը, որը սպասում է իր առաջնեկին, շարունակում է աշխատել՝ չնայած բժիշկները նրան խորհուրդ են տվել ավելի ուշադիր լինել: Երեկ Քիմը քրոջ՝ Քորթնիի հետ Մայամիում հատուկ Kourtney & Kim Take Miami հեռուստաշոուի համար այրել է Keeping Up with the Kardashians ռեալիթի-շոուի հոլովակը (սպին-օֆ): «Վամպիրի տեսք ունեմ», գրել է Քիմը միկրոբլոգում՝ հրապարակելով լուսանկար, որում նա իսկապես «Վամպիրի օրագրերը» կամ «Իսկական արյուն» հեռուստասերիալների հերոսի տեսք ունի: Լուսանկարում Քիմը ներկված է կարմիր նյութով, որը նման է արյան: Քիմը հայտնել է, որ իր այդ դիմահարդարման հեղինակը հեռուստահաղորդավար Ջոնաթան Չեբանն է, և նրա հետ լուսանկար է հրապարակել: Քիչ ավելի վաղ Քիմը գրել է. «Չեմ կարող հավատալ, որ ոստիկաններն ինձ թույլ տվեցին անել դա: Այսօր իմ խուզարկուի հմտություններն ինձ շատ պետք կգան»: Քարդաշյանը չի մանրամասնել, բայց բոլոր երկրպագուներին կոչ է արել միացնել «E!» հեռուստաալիքը: Քիմը նաև ընթերցողներին պատմել է, որ կուզենար ոստիկանության իսկական խուզարկու լինել, հայտնում է 7days.ru-ն:
