Ռուսական Interfax լրատվական գործակալության փոխանցմամբ` Հունաստանի վարչաետ Ալեքսիս Ցիպրասի մայրը հայտարարել է, որ մտահոգ է իր որդու առողջական վիճակով:
73-ամյա Արիստի Ցիպրասը պատմել է, որ վերջին շրջանում Ալեքսիսը գրեթե չի սնվում ու չի քնում. «Սակայն նա չունի ընտրություն, սա նրա պարտքն է ժողովրդի առջև, որը վստահում է նրան:
Ես հեռախոսով եմ շփվում նրա հետ: Ես շատ հազվադեպ եմ տեսնում նրան: Նա անգամ ժամանակ չունի, որ տեսնի իր երեխաներին, էլ չասած ինձ հետ հանդիպելու մասին:
Երբ մենք զրուցում ենք, ես նրան ասում եմ, որ նա անի այնպես, ինչը լավագույնը կլինի երկրի համար, և որ հետևի իրեն: Իսկ նա խնդրում է չանհանգստացնել իրեն՝ ասելով, որ ամեն ինչ լավ կլինի»:
