Direct-press.ru-ի փոխանցմամբ՝ մինչև մեկ տարեկան երեխաներն ավելի քիչ ընկալունակ են շնչառական վարակների հանդեպ, եթե նրանց ընտանիքում կա շուն կամ կատու։ Նման եզրակացության են եկել ֆինն գիտնականները։
Նրանք հետազոտություն են անցկացրել մոտ 400 երեխայի շրջանում և պարզել, որ շուն պահող ընտանիքներում մինչև 1 տարեկան երեխաները 33-44 տոկոսով ավելի քիչ են բախվում մրսածության ու ականջի վարակների խնդրին՝ համեմատած այն երեխաների հետ, որոնց ընտանիքներում չկան տնային կենդանիներ։
Տանը կատվի առկայությունը նույնպես կապված է երեխաների մոտ այդ հիվանդությունների ավելի ցածր վիճակագրության հետ, թեև ավելի պակաս չափով։
Հետազոտության հեղինակներից դոկտոր Էյա Բերգրոզը հայտարարել է, որ տնային կենդանիներն օգնում են մարզել աճող երեխայի իմունային համակարգը, քանի որ շներն ու կատուներն իրենց հետ տուն են բերում վիրուսներ ու մանրէներ։
