Իրաքի բանակային ավիացիան հինգշաբթի Անբար նահանգում ոչնչացրել է ԴԱԻՇ ահաբեկչական խմբավորման 130 գրոհայինի։ Այս մասին հայտնում է երկրի ՊՆ-ն՝ փոխանցում է TASS գործակալությունը։
Նշվում է, որ Ալ-Խալդիա քաղաքի շրջանում հասցված ավիահարվածներից ոչնչացել են 60 ծայրահեղականներ, 14 ականապատված տրանսպորտային միջոցներ և 8 ամրություններ։ Իսկ հարվածը Ռամադի քաղաքի պարարտանյութերի արտադրության գործարանի շրջանում 70 գրոհայինի է ոչնչացրել՝ հայտնել են նախարարությունում։
Երկուշաբթի Իրաքի բանակի հրամանատարությունը հայտարարել էր Անբարում ծայրահեղականների դիրքերի վրա սկսված հարձակման մասին։ Գլխավոր հարվածների ուղղություններն են դարձել Ռամադի և Ալ-Ֆալուջա քաղաքները, որոնք դեռևս գտնվում են գրոհայինների վերահսկողության տակ։ Նահանգի տարածքի 80 տոկոսում իշխում են ծայրահեղականները։
