Ավելի քան 30 երկրներից 36 հազար զինվոր, նավաստի և օդաչու այս տարի կմասնակցեն ՆԱՏՕ-ի զորավարժություններին, հայտնում է BBC-ն:
Չորեքշաբթի օրը ՆԱՏՕ-ի ներկայացուցիչները բացահայտեցին վերջին 13 տարիների ամենամեծածավալ զորավարժությունների մանրամասները, որոնք անցկացվելու են այս աշնանը:
Trident Juncture անվանմամբ զորավարժությունը պլանավորվել է մի քանի տարի, սակայն այդ պլանների մեջ մտցվել են ճշտումներ՝ նոր սպառնալիքներին համապատասխան: Դրա անհրաժեշտությունը առաջ է եկել, օրինակ, Ղրիմում Ռուսական անեքսիայով և ԴԱԻՇ-ի գործունեությամբ:
Զորավարժությունները տեղի կունենան Իտալիայում, Իսպանիայում և Պորտուգալիայում հոկտեմբեր-նոյեմբեր ամիսներին:
«Խնդիր է առաջադրվել ցույց տալու, որ մենք` զինվորականներս, չենք ապրում հին հաղթանակներով, անկախ նրանից, թե որ պատերազմում ենք հաղթել. 10 տարի առաջ ավարտվածում, թե 10 րոպե առաջ»,- ասել է բրիտանական բանակի գեներալ-լեյտենանտ Ֆիլ Ջոունսը:
