Մադրիդի «Ռեալ»-ի հարձակվող Քրիշտիանու Ռոնալդուն հաջողություն է մաղթել թիմի նախկին դարպասապահ Իկեր Կասիլյասին, ով 2 տարվա ժամկետով պայմանագիր է ստորագրել «Պորտու»-ի հետ:
«Հպարտանում եմ, որ այդքան ժամանակ աշխատել եմ քեզ հետ, Իկեր: Նոր թիմում հաջողություն եմ մաղթում»,- Twitter-ի իր էջում գրել է Ռոնալդուն:
Հիշեցնենք` լուրեր են շրջանառվում, որ Կասիլյասին ստիպել է փոխել ակումբային գրանցումը «Ռեալ»-ի նախագահ Ֆլորենտինո Պերեսը: Նման կարծիք ունեն, մասնավորապես, Կասիլյասի ծնողները: Սակայն Պերեսը հայարարել է, որ դարպասապահն անձամբ է այլ ակումբ տեղափոխության ցանկություն հայտնել:
