Հոլիվուդի բնակիչ 22-ամյա Ալիսա Ենոքյանը մեղադրվում է Craigslist կայքով Դիսնեյլենդի կեղծ տոմսեր վաճառելու մեջ, սակայն չի ընդունում իր մեղքը:
Ինչպես հաղորդում է Gledalenewspapers-ը, Ալիսա Ենոքյանը, որը տեղափոխվել էր Գլենդելի իր բնակարանից և բնակվում էր Հոլիվուդի հյուրանոցներում, չորեքշաբթի օրը ձերբակալվել է: Ոստիկանները ներկայանալով որպես գնորդ՝ հանդիպում են նշանակել, որից հետո նրան ձերբակալել են:
Գլենդելի ոստիկանության տվյալներով` Ենոքյանը կայքում Դիսնեյլենդի մեկ տոմսը վաճառել է 50 դոլարով, իսկ գնորդների վստահությունը շահելու համար ներկայացրել է անձը հաստատող կեղծ փաստաթուղթ, որպեսզի նրանց մոտ կասկածներ չառաջանան և համոզվեն, որ ինքը օրինական վաճառող է:
Ենոքյանից տոմսեր գնած ընտանիքների մի մասը այգու դարպասների մոտ է պարզել միայն, որ դրանք կեղծ են:
Նրա գործով դատական նիստը տեղի կունենա մարտի 18-ին: