2012-ի չորրորդ եռամսյակի տվյալներով՝ ամերիկյան ընտանիքների բարեկեցությունը հասել է վերջին տարվա առավելագույն մակարդակին: Այս մասին հաղորդվում է ԱՄՆ Դաշնային պահուստային համակարգի նյութերում՝ փոխանցում է Lenta.ru-ն:
Բոլոր ընտանիքների ու ոչ կոմերցիոն կառույցների կարողությունը երեք ամսում աճել է 1.17 տրիլիոն դոլարով՝ հասնելով 66.1 տրիլիոնի: Անցած տարվա երրորդ եռամսյակի համեմատ ցուցանիշն աճել է 1.8 տոկոսով:
ԱՄՆ-ի տնային տնտեսություններին պատկանող ֆինանսական ակտիվների արժեքը մեկ եռամսյակում աճել է 784.4 միլիարդ դոլարով: ԱՄՆ-ի քաղաքացիների կողմից գործազրկության նպաստների դիմումների թվաքանակը հասել է վերջին 5 տարվա նվազագույն ցուցանիշին:
Ի դեպ, ամերիկյան ընտանիքների բարեկեցությունը դեռևս չի կարողացել հասնել մինչճգնաժամային ռեկորդին՝ 67.4 տրիլիոն դոլարի, որը սահմանվել է 2007-ի երրորդ եռամսյակում: