Ադրբեջանական APA լրատվական գործակալության փոխանցմամբ՝ հայտնի է դարձել ԵԱՀԿ Մինսկի խմբի համանախագահների տարածաշրջանային այցի ժամկետը։ Ադրբեջանի արտգործնախարար Էլմար Մամեդյարովը հայտարարել է, որ համանախագահները հուլիսի 20-ին կժամանեն Հայաստան, իսկ հուլիսի 21-ին՝ Ադրբեջան։
Մամեդյարովը նշել է, որ համանախագահները շարունակելու են Ղարաբաղյան հակամարտության խաղաղ կարգավորմանն ուղղված իրենց աշխատանքները։ Ընդգծվում է, որ այցի հիմնական նպատակը Հայաստանի ու Ադրբեջանի նախագահների հանդիպումը նախապատրաստելն է։
