Թուրքական Milliyet թերթի փոխանցմամբ, վերջին շրջանում ԱՄՆ-ը և ԵՄ-ը ուժեղացրել են Իրանի վրա գործադրվող ճնշումները` կապված նրա միջուկային ծրագրի հետ: Դրա համար էլ Իրանի քաղաքական գործիչները սկսել են իրենց հարստությունները փոխադրել արտերկիր։
Բացի այդ, նշվում է, որ իրանական առաջնորդները խորապես անհանգստացած են Մերձավոր Արևելքում շարունակվող ապստամբական ալիքից` չբացառելով, որ այն կարող է հասնել նաև Իրան:
Արաբական Al-Bawaba լրատվական գործակալությունը, հենվելով Իրանի առաջնորդ Այաթոլլահ Ալի Խամենեին մոտ կանգած իր աղբյուրների վրա, նշում է, որ իրանցի բարձրաստիճան պաշտոնյաները ԱՄՆ-ի և ԵՄ-ի կողմից սահմանված էմբարգոյի պատճառով սկսել են իրենց գումարները փոխադրել Թուրքիա, Մալայզիա և Թուրքմենստան:
Մասնավորապես, Իրանից թուրքական 3 բանկեր է փոխանցվել 180 միլիոն դոլար, իսկ մալայզիական երկու բանկեր` 220 միլիոն դոլար:
